(Video) Pelosi aterron në Tajvan mes tensioneve

Kryetarja e Dhomës së Përfaqësuesve, Nancy Pelosi, ka aterruar në aeroportin e Tajvanit mes tensioneve për vizitën e saj në ishull, shkruan BBC.

Mediat lokale raportojne se eshte nisur nga aeroporti me eskorte. Ajo është politikania më e lartë amerikane që e viziton Tajvanin në 25 vjet.

Vizita e Pelosit në Tajvan ka qenë arsye e rritjes së tensioneve mes Kinës dhe Shteteve të Bashkuara të Amerikës ditëve të fundit.

Kina ka këmbëngulur që Pelosi nuk duhet ta vizitojë Tajvanin, ndërsa SHBA-ja e ka paralajmëruar kryetaren e Dhomës së Përfaqësuesve se tensionet mund të përshkallëzohen me udhëtimin e saj në ishull.

Tajvani është një ishull i vetëqeverisur, por i pretenduar nga Kina, e cila e sheh atë si një provincë të shkëputur. Pekini ka paralajmëruar për “pasoja të rënda” nëse Pelosi e viziton atë.

Teksa SHBA-ja e ruan atë që e quan një “marrëdhënie të fortë, jozyrtare” me Tajvanin, ajo ka marrëdhënie diplomatike zyrtare me Kinën dhe jo me Tajvanin. Mirëpo, për SHBA-në, Tajvani është nga aleatët kryesor në Azi.

Ndërkohë, në përgjigje të vizitës ushtria e Kinës filloi sot stërvitjet në Detin e Kinës Jugore.

Gjithashtu, zyrtarë kinezë jenë shprehur se politikanët amerikanë që po luajnë me zjarr në Taivan do ta paguajnë shtrejntë.

Rruga Press