“Të lutem NATO, mbyll qiejt e Ukrainës”

Njerëzit që jetojnë në qytetin verilindor Kharkiv i kanë thënë BBC-së se si është të jetosh nën bombardimet ajrore ruse, percjell Rruga Press.

Glib Mazepas, i cili jeton në qendër të qytetit, në qytetin e dytë me të madh të Ukrainës, thotë se ka pasur bombardime të rënda gjatë natës nga një aeroplan që qarkulloi tre herë përpara se të godiste rreth 1 km (0.6 milje) nga shtëpia e tij.

Ai përshkroi gjithashtu momentin kur dëgjoi sulmin me raketa ditën e djeshme në Sheshin e Lirisë në Kharkiv

“Ishte një fishkëllimë mbi kokat tona… pastaj bum. Mbaj mend që shtëpia jonë nuk u trondit aq shumë, por dridhej nga e majta në të djathtë, për rreth pesë sekonda. Ishte një ndjenjë shumë e çuditshme.”

Ai thotë se çdo zhurmë që dëgjon tani ai supozon se mund të jetë një sulm rus.

“Dje gruaja ime po ngrohte diçka me mikrovalë. Dhe unë u tremba sepse mendova se ishte një lloj sulmi.”

“Ju mësoheni shumë shpejt me luftën, më besoni. Është çështje një ose dy ditësh. Nuk e kisha menduar kurrë se do të ishte kështu.”

Mazepas thotë se është mirënjohës për mbështetjen ndërkombëtare, por dëshiron që NATO të shkojë më tej duke vendosur një zonë ndalim-fluturimi mbi Ukrainë.

“Ju lutemi mbyllni qiejt për raketat ruse dhe për aeroplanët rusë. Sepse ata do ta bombardojnë të gjithë qytetin deri në hi.”

Rruga Press