Lajme

Sveçla dhe Balla vizitojnë pikën kufitare Vërmicë-Morinë, thonë se duhet gjetur zgjidhje për mërgimtarët që presin për sigurime

Ministri i Punëve të Brendshme i Kosovës, Xhelal Sveçla, së bashku me ministrin e Punëve të Brendshme të Shqipërisë, Taulant Balla, kanë vizatuar pikën e përbashkët të kalimit kufitar Vermicë-Morinë.

Ministri i Punëve të Brendshme të Shqipërisë, Taulant Balla tha se në takim kanë biseduar se si të gjendet një zgjidhje lidhur me sigurimin që bëjnë mërgimtarët në këtë pikë kufitare, me ç’rast po krijohen kolona.

“Arsyeja e vizitës është një kërkesa e imja e fundjavës së kaluar në kontakt me ministrin Sveçla, me të cilin do të takohem shumë shpesh, sepse kemi shumë marrëveshje të firmosura të cilat duhet të zbatohet. Por, konkretisht ka një rritje të numrit të mërgimtarëve dhe jo vetëm. Ka edhe udhëtarë të tjerë nga vendet e ndryshme të cilët udhëtojnë nga Republika e Shqipërisë për në Kosovë dhe për shkak se për të gjitha targat, përjashto atyre të Shqipërisë që duhet të pajisen me siguracion, kjo merr një kohë të caktuar. Kemi bërë një përllogaritje të caktuar me ekspertët”, u shpreh ai.

Lexo më shumë  Shefja e UNMIK-ut në KS: Vazhdoj ta theksoj kërkimin e përgjegjësisë për incidentin në Banjskë

Balla u shpreh i bindur se ministri i punëve të Brendshme të Kosovës, Xhelal Sveçla do të gjejë një zgjidhje.

Ndërkaq, ministri Sveçla para mediave theksoi se do të gjejnë një zgjidhje që mërgimtarëve do të ju ndihmojë.

“Kemi shumë marrëveshje të nënshkruara, po punojmë që marrëveshjet të implementohen. Nuk kemi shtetas të Kosovës dhe Shqipërisë që presin në radhë, problem është me mërgimtarët që vijnë për pushime, ne kemi vullnetin më të mirë që mërgatave tona të ju shërbejmë shpejtë. Po mendojmë disa variante se si të kalojmë këto vështirësi”, deklaroi ai para mediave.

Lexo më shumë  Konjufca: Jemi të përkushtuar në ndërmarrjen e reformave konform frymës dhe qëllimeve të SEECP-së

Rruga Press

YouTube player