Bota

ShBA – Tregu i punës në nivele rekordi pozitiv prej 5 dekadash

Formularet javore të papunësisë në Amerikë në nivelin më të ulët që nga viti 1969.

Numri i amerikanëve që aplikuan për përfitimin e statusit të papunësisë javën e kaluar ra në nivelin më të ulët të 52 viteve të fundit, pasi tregu i punës në SHBA vazhdon të tregojë forcë në mjedisin e kostove në rritje dhe të një pandemie në vazhdimësi.

Kërkesat e papunësisë ranë me 28,000 aplikime, pra në 187,000 gjithsejt për javën që për fundoi, më 19 mars; shifra më e ulët që nga shtatori i vitit 1969, raportoi të enjten Departamenti i Punës. Aplikimet për herë të parë për ndihmë për papunësinë në përgjithësi ndjekiin dhe tejkalojnë ritmin e pushimeve nga puna.

Departamenti i Punës raportoi se mesatarja e ndryshueshme e katër javëve ra në 211,750 nga 223,250 në janvën e kaluar.

Lexo më shumë  Shtohen dy nënshkrues të rinj në deklaratën që bën thirrje për “integritet territorial” të Ukrainës

Në total, 1,350,000 amerikanë përfituan ndihma për papunësinë javën që përfundoi më 12 mars, një tjetër nivel i ulët në pesë dekada.

Në fillim të këtij muaji, qeveria raportoi se punëdhënësit shtuan 678,000 vende pune në shkurt, totali më i madh mujor që nga korriku. Shkalla e papunësisë ra në 3.8%, nga 4% në janar, duke zgjeruar një rënie të mprehtë të papunësisë në nivelin e saj më të ulët që para shpërthimit të pandemisë dy vjet më parë.

Bizneset amerikane shënuan një nivel gati rekord të vendeve të hapura të punës në janar – 11.3 milionë – një prirje ka ndihmuar në pagat e punëtorëve dhe ka shtuar presionet inflacioniste.

Rezerva Federale filloi një përpjekje me rrezik të lartë javën e kaluar për të zbutur inflacionin më të keq që nga fillimi i viteve 1980, duke rritur normën e saj bazë të interesit afatshkurtër dhe duke sinjalizuar deri në gjashtë rritje shtesë të normës këtë vit.

Lexo më shumë  Koreja e Jugut po shqyrton furnizimin e Ukrainës me armë pas marrëveshjes Rusi-Kore e Veriut

Rritja e Fed-it me çerek pike në normën e saj bazë, të cilën ajo e kishte vendosur afër zeros që nga recesioni pandemik që goditi dy vjet më parë, shënon fillimin e përpjekjeve të saj për të frenuar inflacionin e lartë që pasoi rimëkëmbjen nga recesioni. Rritja e normave do të nënkuptojë përfundimisht norma më të larta kredie për shumë konsumatorë dhe biznese.

Politikëbërësit e bankës qendrore kanë parashikuar se inflacioni do të mbetet i lartë, duke përfunduar vitin 2022 në 4.3%.

Në fillim të këtij muaji, qeveria raportoi se inflacioni i konsumatorit u rrit me 7.9% gjatë vitit të kaluar, rritja më e mprehtë që nga viti 1982.

Rruga Press

YouTube player

Leave a Reply

Your email address will not be published. Required fields are marked *