Sekuestrohen në dy lokacione në Kosovë vaj e pije të kontrabanduara nga Serbia
Dogana e Kosovës ka njoftuar se në një kontroll në dy lokacione, në Kijevë dhe në Lipjan, janë hasur mallra pa dokumentacion të prejardhjes, të kontrabanduara nga Serbia.
Sipas Doganës në lokacionin e parë janë gjetur 550 litra vaj ushqimorë me origjinë nga Serbia, ndërsa në lokacionin e dytë janë gjetur 800 litra Coca-Cola me origjinë nga Serbia po ashtu.
Dogana ka njoftuar se mallrat janë sekuestruar dhe rastet janë referuar në procedurë kundërvajtëse.
“Dogana e Kosovës në bashkëpunim me autoritetet kompetente do të vazhdojë të ushtroj kontrolle në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës”, thuhet nga Dogana e Kosovës.
Rruga Press