Murati takoi kryeshefen ekzekutive të MCC, flasin për investimin prej mbi 200 milionë dollarësh në energjinë e Kosovës

April 19, 2022April 19, 2022 user 1

Ministri i Financave, Punës dhe Transfereve, Hekuran Murati, i cili po qëndron në SHBA, ka takuar Alice P. Albright, kryeshefe ekzekutive e Korporatës së Sfidave të Mijëvjeçarit (MCC) dhe ekipin e saj.

Murati përmes një postimi në Facebook ka njoftuar se me kryeshefen e MCC ka diskutuar rreth Programit Kompakt që parasheh investime mbi 200 milionë dollarë në fushën e energjisë në Kosovë.

Lexo më shumë Kuvendi voton disa marrëveshje ndërkombëtare

“Republika e Kosovës është përherë falënderuese për mbështetjen e vazhdueshme nga populli amerikan”, ka shkruar Murati, transmeton Telegrafi.

“Jemi partnerë, por edhe miq. Me këto fjalë e përmbyllëm takimin me znj. Albright, mike e madhe e vendit tonë”, ka shkruar ai.

Ndryshe, Qeveria e Kosovës një muj më parë ka njoftuar se ka nisur procedurat për marrjen e grandit nga MMC -ja në vlerë mbi 200 milionë euro, për investime në sektorin e energjisë elektrike.

Lexo më shumë Fillon edicioni i 23-të i panairit ndërkombëtar “EXPOKOS”, Kurti: Panairet si ky janë të rëndësishëm për të njohur inovacionet në biznes

Rruga Press