Murati: Nga muaji i ardhshëm fëmijët do t’i marrin nga 20 euro

Ministri i Financave, Punës dhe Transfereve, Hekuran Murati, ka thënë se që nga muaji i ardhshëm do të fillojë zgjerimi i shtesave për fëmijë.

Tani për tani fëmijët e lindur pas vitit 2015-të i marrin nga 10 euro në muaj, ndërkaq ata që lindin gjatë kësaj kohë për dy vjet rresht marrin nga 20 euro.

“Nga muaji i ardhshëm do të vazhdojë zgjerimi i shtesave për fëmijët”, ka thënë Murati gjatë fjalimit të tij në Kuvendin e Kosovës, të enjten.

Përvëc këtij lajmi, ai i ka cilësuar “demagogë” deputetet e opozitës për shkak të Projektligjit për Tërheqjen e Trustit.

“U tha që nuk janë ndihmuar të papunët. Por na tregoni Trusti qysh i ndihmon të papunët, kjo nuk i ndihmon aspak. Ne si qeveri kemi program qeverisës dhe atë po e zbatojmë. E kemi edhe pakon e ringjalljes ekonomike, kemi sjell edhe ligjin për pagën minimale që mbështet të gjithë punëtorët e sektorit privat e publik, marrëveshjen për reformën e skemës sociale”, tha ai.

Murati po ashtu ka thënë se i kanë ndihmuar qytetarët përmes Pakos për Ringjalljen Ekonomike.

Po ashtu ka shtuar se sipas Agjencisë së Statistikave të Kosovës (ASK), rritja ekonomike për tre muajt e parë të këtij viti është gati 5 për qind.

Rruga Press

Lexo më shumë  VIDEO/Në prag fushate, Gjiknuri fton 'çunat e Londrës' të legalizojnë paundët në Shqipëri

Leave a Reply

Your email address will not be published.