Motra e Ronaldos publikon foto të Messit që është duke i’u përulur vëllait të saj

Motra e Ronaldos publikon foto të Messit duke iu përulur portugezit.

Motra e Cristiano Ronaldos, Elma Aveiro, e ka postuar një fotografi të Lionel Messit duke e adhuruar vëllain e saj, pas fitores së Juventusit 3:0 kundër Barcelonës në Ligën e Kampionëve të martën.

Ronaldo i shënoi dy gola nga penalltitë në atë ndeshje, duke i ndihmuar Juves ta arrijë një fitore bindëse në Camp Nou, falë të cilës bardhezinjtë ia rrëmbyen vendin e parë katalanasve në grupin e tyre.

Triumfi ishte i rëndësishëm, sepse Juventusi do t’i shmangë kundërshtarët e fortë në rundin e 16 më të mirëve në garën elitare evropiane, për dallim nga Barcelona.

Derisa Ronaldo këmbënguli pas ndeshjes se Messin nuk e ka parë asnjëherë si rival dhe se ka marrëdhënie shumë miqësore me të, motra e tij vendosi ta lartësojë vëllain e vet në rrjetet sociale duke u ulur argjentinasin.

“Mbreti im. Më i miri në histori. Krenaria e jetës sime”, shkroi ajo në mbishkrimin e fotografisë duke Messi shihet duke u përkulur asit të Juves.

Rivaliteti mes Messit dhe Ronaldos e arriti kulmin kur ky i fundit luante për Real Madridin.

Ata e kanë mbizotëruar futbollin botëror për më shumë se një dekadë, me Ronaldon që e fitoi pesë herë Topin e Artë dhe Messin që e rrëmbeu një më shumë, gjashtë.

Portugezi, megjithatë, është më i mirë në Ligën e Kampionëve kur bëhet fjalë për numrin e trofeve dhe golave, pasi i ka fituar pesë, një më shumë se Messi.