Meksika arrin marrëveshje me kompaninë farmaceutike kineze, siguron 35 milionë doza të vaksinës anticovid

December 11, 2020 user 1

Lajmin e ka bërë të ditur, Ministri i Jashtëm i Meksikës, Marcelo Ebrard, me anë të një postimi në Twitter. Gjithashtu, Ebrard ka thënë se vaksina e CanSino është zbatuar ndaj 62 vullnetarëve gjatë procesit të provave klinike në shtetin Nuevo Leon të vendit si rezultat i së cilës nuk kanë hasur në asnjë efekt anësor.

Meksika ka nënshkruar marrëveshje me kompaninë farmaceutike kineze CanSino, për blerjen e 35 milionë dozave të vaksinës antiCovid. Lajmin e ka bërë të ditur, Ministri i Jashtëm i Meksikës, Marcelo Ebrard, me anë të një postimi në Tëitter.

“Urojmë për nënshkrimin e marrëveshjes paraprake për blerjen e 35 milionë dozave të vaksinave të nënshkruar sot mes Ministrit të Shëndetësisë dr. Jorge Alcocer dhe kryetarit të CanSino Biologic Xuefeng Yu,“-ka shkruar ai.

Lexo më shumë Manxhuka: Godisni deputetët e LVV-së, ushtarët e UÇK-së, të burgosurit politik, vëllezërit e dëshmorëve. Ndërgjegja jonë politike është e pastër, si loti

Gjithashtu, Ebrard ka thënë se vaksina e CanSino është zbatuar ndaj 62 vullnetarëve gjatë procesit të provave klinike në shtetin Nuevo Leon të vendit si rezultat i së cilës nuk kanë hasur në asnjë efekt anësor.

Më herët, qeveria meksikane ka arritur marrëveshje me kompaninë farmaceutike Pfizer-BioNtech për blerjen e 250 mijë dozave të vaksinës në fazën e parë ndërsa në total 17 milionë doza. Sakaq, Meksika është vendi i katërt me më shumë vdekje nga COVID-19 me 111.655 viktima deri më tani, ndërsa është në vendin e 13-të për nga numri i rasteve me gjithsej 1.205.229.

Lexo më shumë Kalon në parim Projektligji për Byronë për Konfiskim të Pasurisë së Pajustifikueshme