Megaoperacioni Shqipëri-Kosovë në Vërmicë, dhjetëra zyrtarë të arrestuar

Dhjetëra zyrtarë të policisë në të dyja anët e kufirit mes Shqipërisë dhe Kosovës janë arrestuar në një aksion të madh policor në pikat kufitare në Vërmicë.

Aksioni i koduar “Pika 2” është bashkëpunim i Inspektoratit Policor të Kosovës (IPK) dhe Prokurorisë e Speciale.

Hetimi përfshin edhe bashkëpunim me prokurorë nga SPAK-u (Struktura e Posaçme kundër korrupsionit dhe krimit të organizuar e Republikës së Shqipërisë) dhe zyrtarët e AMP-së Agjencisë për Mbikëqyrje Policore (agjencia homologe e IPK-së në Shqipëri).

Aksioni i ka paraprirë një hetim rreth njëvjeçar me dyshimin për përfshirje në aktivitete të kundërligjshme të një numri të zyrtarëve policorë lidhur me veprat penale ‘marrje e ryshfetit’ dhe ‘keqpërdorim i pozitës apo autoritetit zyrtar, njofton policia e Kosovës.

Rruga Press