Maqedonci pret zyrtaren e NATO-s, temë bashkëpunimi me aleancën

March 10, 2026 user 1

Ministri i Mbrojtjes, Ejup Maqedonci, ka pritur në takim ushtruesen e detyrës së shefes së Operacioneve Aktuale në Divizionin për Operacione të Shtabit të Përgjithshëm të NATO-s, Blanca Hereza.

Bëhet e ditur se zyrtarja e lartë e NATO-s është njoftuar nga ministri për zhvillimet aktuale në Ministrinë e Mbrojtjes dhe Forcën e Sigurisë së Kosovës, si dhe planet për të ardhmen.

Lexo më shumë Haxhiu kërkon hetim të plotë për vrasjen Arlinda Zekajt

Sipas Ministrisë së Mbrojtjes, në këtë takim, Maqedonci ka ritheksuar se objektiv i Kosovës është anëtarësimi në NATO.

“Ai nënvizoi se vazhdohet me përkushtim koordinimi dhe bashkëpunimi i ngushtë me KFOR-in dhe Ekipin Këshillues dhe Ndërlidhës të NATO-s (NALT), ndërsa ritheksoi se objektiv i Republikës së Kosovës mbetet anëtarësimi në NATO, në mënyrë që vendi ynë dhe FSK të vazhdojnë edhe më fuqishëm të japin kontribut në ruajtjen e stabilitetit dhe paqes”, ka thënë Maqedonci gjatë takimit që ka pasur me zyrtaren e lartë të NATO-s e cila po qëndron në Kosovë.

Lexo më shumë Prokuroria merr kamerat e Bankës së Shqipërisë për të gjetur policin që qëlloi Erjon Vishkullin, po hetohet edhe rreth dyshimeve për përdorimin joproporcional të forcës nga disa punonjës së policisë së shtetit ndaj protestusve

Rruga Press