Maqedonci dhe Kusari hedhin hapin kyç drejt Projektligjit për Industrinë e Mbrojtjes

February 27, 2026 User2

Ministri i Mbrojtjes, Ejup Maqedonci, ka takuar të enjten ministren e Industrisë, Ndërmarrësisë, Tregtisë dhe Inovacionit, Mimoza Kusari, ku është diskutuar koncepti, struktura dhe organizmat që do të transformojnë industrinë e mbrojtjes të Kosovës.

Kështu u tha në njoftimin për media të Maqedoncit, i cili tha se ky është hapi kyç drejt Projektligjit për Industrinë e Mbrojtjes.

Lexo më shumë KLSH rekomandoi shkarkimin e Pirro Vengut: Raporti zbulon mbi 8 mln euro të ardhura të munguara, 205 mijë euro dëm ekonomik dhe shkelje financiare milionëshe në Portin e Durrësit

“Ky ligj pritet të hapë rrugën për një zhvillim të qëndrueshëm dhe ndërsektorial, duke e bërë industrinë e mbrojtjes motor të inovacionit dhe sigurisë kombëtare”, tha Maqedonci.

Ai shtoi se në ditët në vijim, grupi punues do të finalizojë koncept-dokumentin dhe do të hartojë draftligjin, duke bërë hapin tjetër drejt fillimit të zhvillimit të industrisë së mbrojtjes.

Lexo më shumë Kurti: Pjesëtarëve serbë kemi pasur të drejtë t’u themi mos shkoni, s’kemi të drejtë t’u themi kthehuni

Kusari nga ana e saj, tha se përveç dispozitave kryesore, në takim u trajtuan edhe shtrirja ndërsektoriale, e cila, sipas saj, do të mundësojë zhvillimin e qëndrueshëm të industrisë së mbrojtjes.

Rruga Press