Kurti: Shkelja e hapësirës ajrore të Estonisë nga Rusia, shumë shqetësuese

September 20, 2025 use3

Kryeministri në detyrë i Kosovës, Albin Kurti, e ka konsideruar të “shumë shqetësues” lajmin për shkeljen e hapësirës ajrore të Estonisë nga Rusia.

Kurti theksoi se Kosova qëndron në solidaritet me Estoninë gjatë kësaj situate.

“Lajmi i sotëm për shkeljen e hapësirës ajrore të Estonisë nga Rusia është shumë shqetësues. Kosova solidarizohet me Estoninë gjatë kësaj kohe”, shkroi Kurti në X.

Lexo më shumë KLSH rekomandoi shkarkimin e Pirro Vengut: Raporti zbulon mbi 8 mln euro të ardhura të munguara, 205 mijë euro dëm ekonomik dhe shkelje financiare milionëshe në Portin e Durrësit

Estonia akuzoi Rusinë për shkeljen e hapësirës së saj ajrore pas hyrjes pa leje të tre avionëve luftarakë MiG-31 në qiellin e vendit baltik.

Ministria e Jashtme e Estonisë njoftoi se incidenti ndodhi në zonën e Ishullit Vaindloo të premten në mëngjes, me avionët që qëndruan në hapësirën ajrore estoneze për gati 12 minuta, raportoi agjencia kombëtare e lajmeve ERR.

Sipas zyrtarëve, avionët nuk kishin plane fluturimi, pajisjet identifikuese ishin të fikura dhe nuk kryen radiokomunikim me shërbimet e trafikut ajror estonez gjatë shkeljes.

Lexo më shumë Si shërbenin institucionet fiktive serbe në Kosovë për të tërhequr para nga buxheti

Autoritetet estoneze e dënuan ashpër incidentin, duke e cilësuar atë si një shkelje “të paparë brutale” të sovranitetit të vendit.

Rruga Press