Joe dhe Shirley DioGuardi marrin shtetësinë, Kurti: Miq të vjetër të Kosovës

August 25, 2026 user 1

Kryeministri në detyrë Albin Kurti ka bërë të ditur se ish-kongresisti amerikan me origjinë shqiptare, Joe DioGuardi, dhe bashkëshortja e tij, Shirley Cloyes DioGuardi, tashmë janë zyrtarisht shtetas të Republikës së Kosovës.

Kurti ka njoftuar se dyshja janë pritur në Zyrën e Kryeministrit, ku i ka falënderuar për kontributin e tyre shumëvjeçar në mbështetje të Kosovës dhe shqiptarëve.

“Dy shtetas të rinj të Republikës, por miq të vjetër të Kosovës”, ka shkruar Kurti.

Lexo më shumë Mësuesja nga Fushë-Arrëzi proteston kundër Reformës Territoriale: S’duhet të na shmangin! Zëri ynë duhet dëgjuar

Ai ka vlerësuar veçanërisht angazhimin e tyre për rreth katër dekada, nga Kongresi i Shteteve të Bashkuara deri te puna e Ligës Qytetare Shqiptaro-Amerikane.

Kurti ka theksuar se Joe DioGuardi, si ish-kongresisti i parë amerikan me origjinë shqiptare, së bashku me figura të njohura amerikane si Tom Lantos, Bob Dole dhe Eliot Engel, ishte ndër zërat e hershëm dhe më të fuqishëm në mbështetje të shqiptarëve dhe Kosovës.

“Kosova ishte me fat dhe e bekuar që pati ambasadorë të këtillë edhe kur s’kishte ambasadë të Republikës në SHBA”, ka deklaruar Kurti.

Lexo më shumë Manxhuka: Godisni deputetët e LVV-së, ushtarët e UÇK-së, të burgosurit politik, vëllezërit e dëshmorëve. Ndërgjegja jonë politike është e pastër, si loti

Ai ka shtuar se Joe dhe Shirley DioGuardi vazhdojnë të interesohen për zhvillimet në Kosovë dhe të japin ide e kontribut për të ardhmen e vendit.

Në takim, sipas Kurtit, është diskutuar edhe për angazhimin e Ligës Qytetare Shqiptaro-Amerikane dhe zhvillimet aktuale në Kosovë.

Rruga Press