Grenell i obsesionuar me Albin Kurtin – nuk i shqitet këtij të fundit

Ish- i dërguari i Shteteve të Bashkuara të Amerikës për dialogun Kosovë-Serbi, Richard Grenell, i cili njëherësh shquhet si kasnec i estabilishmentit aktual të Serbisë, ka reaguar duke u orvatur të demantojë bashkëpatriotin e tij, përkatësisht ambasadorit amerikan në Prishtinë, Jefrey Hovenier, pasi ky i fundit është shprehur i zhgënjyer me disa raportime në mediat kosovare rreth takimit të Kurtit në Washington me këshilltarin e Joe Biden, Jake Sullivan.

Sipas ‘lobuesit’ të agjendave serbe, nuk është pasaktësi të thuhet që Kurtit nuk i është ofruar një takim në Shtëpinë e Bardhë.

“Përderisa është e vërtetë që disa takime mbahen në ojbketin e Eisenohower, Kurti nuk u shpërblye me një takim në zyrat e Këshillit për Siguri Kombëtare, në dhomën e Rusvelt-it apo në zyrën Ovale. Ai mund të kishte, por s’i pati”, ka shkruar Grenell.

Ish-emisari tutje ka thënë se Kurti është përballur me kritika të ashpra nga Demokratët dhe Republikanë në Kongres gjatë takimeve në Capitol Hill.

Lexo më shumë  Kurti merr pjesë në panairin e bizneseve Hannover Messe, takon sipërmarrës të kompanive të ndryshme

“Ai ishte i mbushur me justifikime dhe jo me ide të reja. Politikanët amerikanë nuk ishin të lumtur që ai refuzoi ndihmën e qeverisë amerikane për energjinë e pastër”, ka shtuar tutje ish-emisari amerikan.

Në fund Grenell thotë që “edhe ekipi i dobët e Bidenit është i dëshpëruar me Kurtin. Kjo është e vështirë për t’u arritur”.

Rruga Press