Gërvalla: Vuçiqi është eksportues i terrorizmit
Ministrja e Jashtme e Kosovës, Donika Gërvalla-Schwarz, ka thënë se ka dëshmi të pakontestueshme se nënkryetari i Listës Serbe, Milan Radoiçiq, që është në listën e zezë të SHBA-së e Britanisë së Madhe, ishte i përfshirë në sulmin ndaj Policisë së Kosovës në Banjskë të dielën.
Në sulmin e të dielës vdiq polici Afrim Bunjaku dhe u lënduan tre policë tjerë. Po ashtu u vranë tre sulmues.
Ministri i Brendshëm i Kosovës, Xhelal Sveçla, ka publikuar sot xhirime ku shihet prania e Radoiçiqit në Banjskë. Këto xhirime i ka publikuar edhe Gërvalla në platformën “X”.
Gërvalla ka thënë se presidenti i Serbisë, Aleksandar Vuçiq, është eksportues i terrorizmit.
“Dëshmi të pakontestueshme që Radojçiqi, një bashkëpunëtor i ngushtë i Vuçiqit, ka drejtuar grupin terrorist që sulmoi policinë e Kosovës. Vuçiqi është një eksportues i terrorizmit dhe jostabilitetit. Duhet të jetë alarm zgjimi për komunitetin ndërkombëtarë që të marrë veprime vendimtare për të ruajtur paqen”, ka shkruar Gërvalla.
Irrefutable evidence that Radoičić, a close associate of Vučić, led the terrorist group that attacked the Kosova police.
— Donika Gërvalla-Schwarz (@gervallaschwarz) September 26, 2023
Vučić is an exporter of terrorism & instability.
This should be a wake-up call for the international community to take decisive action to preserve stability. pic.twitter.com/LjrEId4GkJ
Rruga Press