(Fotolajm) Momenti kur avioni iranian sjell armët e terrorit në Moskë

November 5, 2022November 5, 2022 user 1

Gazeta gjermane, BILD, ka publikuar dy foto ekskluzive, që sipas saj tregojnë momentin kur një avion iranian sjell armët e terrorit në Moskë.

Prej kohësh, Irani është akuzuar se po mbështet Rusinë me armatim në luftën kundër Ukrainës.

Sipas Kievit, Irani ka dërguar në Rusi me qindra dronë kamikazë që janë përdorur për të sulmuar jo vetëm objektivat ushtarake, por edhe civilët ukrainas.

Lexo më shumë NATO akuzon Rusinë për kërcënim të sigurisë në territorin e Aleancës

Sipas gazetës BILD, avioni Ilyushin II, që përdoret vetëm për transport ngarkesash, u ul në Moskë të enjten.

Avioni i përket kompanisë Poya Air, e cila është në listën e sanksioneve të SHBA, pasi akuzohet se transporton ilegalisht armatim për klientët e Iranit në emër të Gardës Revolucionare.

Për më tepër, ky është krahu i armatosur i regjimit të mullahëve që është përgjegjës për prodhimin e dronëve kamikazë.

Lexo më shumë SHBA akuza të forta Rusisë: Ka shkelur traktatin për ndalimin e armëve kimike gjatë luftës në Ukrainë

Rruga Press