Erion Veliaj nuk e ndal luftën ndaj kafshëve, helmon zonën e Liqenit, dhjetëra qen dhe mace të ngordhura

Shoqata e mbrojtjes së të drejtave të kafshëve në Shqipëri, Animal Rescue Albania ka denoncuar ditën e sotme në faqen e saj zyrtare në Instagram dhe Facebook, një tjetër mizori që po ju bëhet kafshëve në kryeqytet.

Sipas njoftimit dhe raportimeve të shumta të qytetarëve mbërritur në inboxin e faqes, në të gjithë zonën e ‘Liqenit Artificial’, është lënë ushqim me helm për qen dhe mace, një vepër kjo tjetër e Bashkisë Tiranë kundër katërputroshëve.

Në faqe kanë mbërritur reagime dhe denoncime të shumta, madje kjo pabesi e radhës nuk ka kursyer edhe kafshët me pronar, të cilët në shëtitjen e tyre të përditshme kanë rënë pre e nismës mizore të ndërmarrë nga Bashkia.

Sipas raportimeve, të shumtë janë në numër qentë dhe macet e ngordhura teksa me dhjetëra janë paraqitur në klinika në gjendje të rënduar.

Ndërkohë, ARSA ALBANIA , teksa paralajmëron për kujdes, ju bën thirrje qytetarët që të bëjnë denoncimin në organet përkatëse.

Rruga Press