Bombardohen spitalet në Mykolaiv

Organizata ndërkombëtare e bamirësisë “Medecins Sans Frontieres” ka thënë se spitalet, pacientët dhe stafi mjekësor duhet të kursehen absolutisht nga sulmet në Ukrainë.

Thirrja vjen pasi kreu i misionit të MSF në Ukrainë, Michel-Olivier Lacharite, tha për BBC-në se tre spitale u goditën në portin e Detit të Zi të Mykolaivit në dy ditët e fundit.

Ai ka thënë se spitalet janë në zona të banuara dhe ai beson se mund të jenë goditur me bomba thërrmuese.

“Në momentin e shpërthimit kishte rrjedhje gazi dhe erë. Kështu ekipi ynë u përpoq të largohej nga vendi i ngjarjes”, thotë ai. “Derisa po arratiseshin, panë trupa të pajetë në rrugë dhe njerëz të plagosur”.

Rruga Press