Aprovohet nisja e hetimeve ndaj komisionerit të BE-së, Oliver Várhelyi

January 20, 2023 user 1

Parlamenti Europian ka miratuar zyrtarisht kërkesën për hetim ndaj Komisionerit Oliver Várhelyi, rreth rolit të tij në Ballkanin Perëndimor. Parlamenti ka miratuar kërkesën e eurodeputëve me 357 vota pro, 180 kundër dhe 95 abstenime.

Ai do të hetohet për favorizimin e Serbisë gjatë negociatave të zgjerimit të organizatës. Një nga rolet kryesore sipas tyre është që të mbrojë integritetin territorial të Bosnjë dhe Hercegovinës, të promovojë demokracinë në Serbi dhe të sigurojë paqen dhe stabilitetin në Mal të Zi dhe Kosovë dhe jo të bëjë të kundërtën.

Lexo më shumë Komandanti i Aleatëve të NATO në Evropë: Do të dërgojmë pajisje më të rënda dhe më shumë trupa në Kosovë

Pritet hetim/ Komisioneri Varhelyi që raportoi për demokraci në Serbi dhe mbështeti Ballkanin e Hapur vihet nën radarin e BE-së

Një nga argumentet e eurodeputetëve është se komisioneri Várhelyi vazhdimisht relativizon sulmet e presidentit serb Aleksandër Vuçiq ndaj demokracisë. Sipas tyre ai gjithashtu mbështet veprimet e Milorad Dodik.

Komisionieri i zgjerimit Varhelyi konsiderohet si njeriu i Orbanit në Bruksel dhe është kritikuar edhe më parë për sjellje miqësore dhe të butë ndaj autokratëve të Ballkanit, sidomos presidentit serb, Aleksander Vuçiq.

Lexo më shumë Ky është gjakovari që u arrestua dje nga policia serbe, prokuroria e Serbisë ia sajon brenda dite një akuzë për kinse krime lufte si pjestar i UÇK-së

Rruga Press