Kamberi: Serbia vazhdon të mbetet peng i politikave kolonialiste ndaj Kosovës

Shaip Kamberi ka deklaruar se pushteti i Aleksandar Vučić është i zhytur në korrupsion, krim dhe politika me prirje fashiste, duke theksuar se largimi i tij është domosdoshmëri pa alternativë.

Ai shton se, pavarësisht ndryshimeve të mundshme politike në Serbi, vendi ende nuk po shkëputet nga politikat militariste, kolonialiste dhe hegjemoniste ndaj Kosovës dhe fqinjëve.

Kamberi përmend edhe një “memorandum të ri për Kosovën” nga studentë rebelë në Serbi, të cilin e konsideron si dëshmi se alternativat politike në vend nuk ofrojnë shpresë për demokratizim real.

Sipas tij, pa demitizimin e narrativave nacionaliste dhe historike që ushqejnë konfliktin, Serbia nuk mund të arrijë demokratizim të brendshëm, gjë që po ndikon edhe në perspektivën evropiane të Ballkanit Perëndimor.

Rruga Press