Dita e Përkujtimit të Holokaustit, Osmani: Kujtesë për pasojat shkatërruese që rrjedhin nga urrejtja

Presidentja e vendit, Vjosa Osmani, ka kujtuar Ditën Ndërkombëtare të Holokaustit, në nderim të më shumë se 6 milionë hebrenjve që humbën jetën gjatë Luftës së Dytë Botërore.

Osmani vlerëson se sot kujtohen miliona jetë të pafajshme të humbura në atë që e konsideron si kapitullin më të errët të historisë njerëzore.

Tutje, e para e vendit thotë se kjo ditë shërben si kujtesë për pasojat shkatërruese që rrjedhin nga urrejtja.

“Në këtë Ditë Ndërkombëtare të Përkujtimit të Holokaustit, ne kujtojmë miliona jetë të pafajshme të humbura në një nga kapitujt më të errët të historisë njerëzore. Ai shërben si një kujtesë për pasojat shkatërruese që rrjedhin nga urrejtja, paragjykimet dhe fanatizmi” ka shkruar Osmani në platformën X.

Rruga Press