Pas sulmeve të fundit ruse, vendoset të mbahet takimi i Këshillit NATO-Ukrainë

10 janari është përzgjedhur si dita kur do të zhvillohet takimi i Këshillit NATO-Ukrainë në Bruksel. Takimi vjen me kerkësë të Kievit pas sulmeve të fundit me raketa e dronë rusë dhe do të mbahet në nivel ambasadorësh. Lajmin e bëri të ditur Sekretari i Përgjithshëm i NATO-s, Jens Stoltenberg.

“Sekretari i Përgjithshëm i NATO-s @jensstoltenberg do të thërrasë një takim të Këshillit NATO-#Ukrainë të mërkurën më 10 janar në nivel ambasadori me kërkesë të Ukrainës pas sulmeve të fundit me raketa dhe drone ruse”, shkroi ai në platformën e mediave sociale X (ish Twitter).

Rusia ka nisur ditët e fundit një nga sulmet më të mëdha me raketa dhe dronë kundër Ukrainës që nga pushtimi i vendit në 24 shkurt 2022. Përballë këtyre sulmeve, Kievi po kërkon më shumë mbrojtje ajrore, raketa dhe drone nga aleatët e saj perëndimorë, raporton Tass.

Ndihma ushtarake nga Shtetet e Bashkuara është ende e bllokuar nga Kongresi amerikan për shkak të hezitimit të ligjvënësve republikanë.

Rruga Press