Nuk dilet nga e keqja duke zgjedhur të keqen më të vogël

Shkruan Hysamedin Feraj

Me shekuj kemi bërë zgjedhjen brenda së keqes, duke vlerësuar gradët e saj:

Shovinizmi serb e grek e keqja më e vogël ndaj perandorisë osmane; serbët e keqja më e vogël ndaj fashizmit italian; shovinizmi serb e grek e keqja më e vogël përballë nazizmit gjerman; komunizmi stalinist e keqja më e vogël ndaj kapitalizmit borgjez… Dhe e kundërta për secilin rast.

Gjithnje me dy konstante, që e shfaqin si metafizikë e zgjedhjes dhe përçarjes shqiptare:

Për disa:
1. Shovinizmi serb e grek përherë e gjithnjë e keqja më e vogël;
2. Përherë me legjitimimin: në atë kohë nuk e dinim.

Për të tjerët:
1. Shovinizmi serb e grek e keqja më e madhe;
2. Kushdo tjetër, e keqja më e vogël.

Duke zgjedhur mes dy të këqijave, secili që mbajmë për hero del tradhtar; secili që mbajmë për tradhtar del hero. Në varësi të llogarive që i bëjmë sot për atëhere, dhe kurrë, as sot as atëherë, llogaria nuk mund ta ketë sigurinë matematike!

Receta për shpëtim:
Minimumi: zgjedhja e së mirës kundër së keqes pavarësisht gradëve të kësaj;
Maksimumi: zgjedhja e më të mirës mes dy të mirave. Kjo është liria.

Rruga Press