7 viktima nga tërmeti në Kroaci
Tërmeti i mesditës së djeshme në me epiqendër Petrinjan në Kroaci ka shkaktuar deri më tani 7 të vdekur, mes tyre një e mitur 12 vjeç. Mediat lokale raportojnë se dyshohet se nën rrënoja gjenden ende persona të pajetë ndërkohë që dhjetëra të tjerë janë lënduar.
Goditja ishte e shkurtër por e fortë duke shkaktuar tmerr tek banorët e zonës.
Kjo u duk edhe nga videoja e kryebashkiakut të Petrinjas, i cili ishte në një konferencë për shtyp live me mediat kur ra tërmeti.
Në Kroaci gjatë pasdites dhe gjatë mbrëmjes janë regjistruar shtatë tërmete të tjera, me epiqendër në Petrinje.
Qendra Sizmiologjike Mesdhetare Evropiane (EMSC), raporti se tërmetet e regjistruara ishin me magnitudë 3 apo më shumë të shkallës Rihter.