Zulfaj për bllokimin e qytetarëve në Serbi: Putini i vogël s’mund ta përballojë suksesin e Kosovës

Jeton Zulfaj, këshilltari politik i kryeministrit Albin Kurti, ka thënë se presidenti serb Aleksandar Vuçiq, duke iu referuar si “Putini i vogël”, s’mund ta përballojë suksesin e Kosovës dhe për këtë arsye, siç thotë ai, ka vendosur t’i ndalojë qindra kosovarë.

Qindra kosovarë kanë mbetur të bllokuar në pikëkalimet kufitare me Serbinë që nga orët e vona të së martës. Atyre u janë marrë dokumentet, ndërsa nuk u është dhënë ndonjë arsyetim për ndalimin.

Zulfaj ka thënë se reagimi i Serbisë vjen pas suksesit të Kosovës në Asamblenë Parlamentare të Këshillit të Evropës.

“Putini i vogël në Beograd nuk mund ta përballojë suksesin e Kosovës. Pas votimit të suksesshëm të djeshëm në Asamblenë Parlamentare të KiE-së, ka nisur arrestime masive në pikat kufitare, duke ndaluar qindra qytetarë të Kosovës, duke përfshirë edhe zëvendësdrejtorin e Policisë së Kosovës, Dejan Jankoviq (i cili është nga komuniteti serb). Të gjithë po mbahen peng, mes tyre dhjetëra fëmijë, pa u siguruar ushqim dhe mjekim. Kjo është shkelje e hapur e Marrëveshjes për Lirinë e Lëvizjes në Procesin e Berlinit midis gjashtë vendeve të Ballkanit Perëndimor dhe përpjekje për të përshkallëzuar tensionet”, ka shkruar Zulfaj në “X”.

Little Putin in Belgrade cannot handle Kosova's success. After yesterday's successful vote at PACE he has launched massive arrests at border crossings, detaining hundreds of Kosova citizens, including the deputy director of the Kosova Police, Dejan Janković (who is from the Serb…

— Jeton Zulfaj (@JetonZulfaj) April 17, 2024

Rruga Press