Ziadin Sela: Sot është ditë zie për të gjithë shqiptarët

Kryetari i Aleances për Shqiptarët, Ziadin Sela nepërmjet një postimi në Facebook ka shprehur ngushëllimet e tij për familjet e viktimave nga aksidenti i sotëm, që ka ndodhur në Kroaci.

Ai ju bënë thirrje të gjithë mërgimtarëve që të kenë kujdes dhe t’i respektojnë regullat relevante të komunikacionit rrugor.

Postimi i plotë:

“I trishtuar thellë nga lajmi për aksidentin e sotëm tragjik në Sllavonski Brod të Kroacisë, të një autobusi përplot me bashkatdhetarë që po ktheheshin nga Gjermania për në Kosovë. Raportimet jozyrtare flasin për dhjetë të vdekur dhe shumë të lënduar në mesin e të aksidentuarve.

Në këto momente të vështira, jemi përkrah familjarëve të viktimave, duke u lutur bashkarisht që të mbijetuarit e kësaj tragjedie të shërohen sa më shpejt.

Në kohën kur bashkatdhetarët po kthehen masivisht në vendlindje për sezonin e pushimeve, kjo fatkeqësi tregon edhe njëherë nevojën për të vozitur të pushuar dhe duke respektuar rregullat relevante të komunikacionit rrugor.

Ngushëllime familjeve që humbën më të dashurit e tyre. Sot është një ditë zie për të gjithë shqiptarët.”

Rruga Press