“Zgjoi” shfaqet sot në kinemanë e famshme të Los Angeles
“Zgjoi” i njohur në anglisht si “Hive” njëri ndër filmat më të suksesshëm në kinematografinë e Kosovës, po vazhdon ta shijoj suksesin e tij të jashtëzakonshëm.
“Zgjoi”, do ta vazhdojë rrugëtimin e tij në Amerikë konkretisht në qytetin e Los Angeles, kur edhe do të shfaqet sot në kinemanë “Laemmle’s Royal Theater”.
Regjisorja e filmit, Blerta Basholli, së bashku me gjithë stafin se fundmi janë takuar me këngëtaren shqiptare me famë botërore, Dua Lipa, e cila i uroi shumë suksese tutje.
‘Zgjoi’ është i frymëzuar nga historia e vërtetë e Fahrijes (interpretuar nga Yllka Gashi) nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për t’a siguruar mbijetesën e familjes.