VV-ja bëhet anëtare e asociuar në organizatën e Partive të Socialistëve dhe Demokratëve Evropianë

October 18, 2025 User2

Lëvizja Vetëvendosje është bërë anëtare e asociuar e organizatës së Partive të Socialistëve dhe Demokratëve Evropianë (PES) në një kongres që është duke u mbajtur në Amsterdam të Holandës.

Siç ka njoftuar kjo parti, kryetari i VV-së, Albin Kurti, po merr pjesë në këtë kongres.

“Ky status është më i larti i një partie në një familje politike evropiane para se shteti të bëhet anëtar në BE. Bashkangjitemi me kërkesat e këtij kongresi për ‘më shumë Evropë, më shumë demokraci, më shumë drejtësi’”, thuhet në një njoftim të Vetëvendosjes.

Lexo më shumë Protesta nuk ndalet, do të ketë valë të dytë e të tretë. Ramën s’e duan as socialistët. S’bën dot luftë frontale me të gjithë popullin! Motoja e vetme, dorëheqja!

Në fjalimin e tij në Kongres, Kurti ka thënë se ky status i ri e gjen në mes të afatit si mandatar për formimin e Qeverisë dhe pas rezultateve premtuese në raundin e parë të zgjedhjeve lokale.

Në aspektin evropian, Kurti ka thënë se Kosova i ka dy kërkesa kryesore: heqjen e masave dhe dorëzimin e Pyetësorit të Komisionit Evropian për aplikimin e Kosovës për anëtarësim në Bashkimin Evropian.

Lexo më shumë “Skemë puçiste”, Mekuli ngre dyshime ‘të forta’: Kush e regjistroi dramën në Kuvend?

Ai është zotuar se Kosova është e vendosur të jetë pjesë e familjes evropiane.

Rruga Press