Vuçiçi: Nuk kam çfarë të dialogoj me Kurtin, për sa kohë ai është kryeministër

Presidenti i Serbisë, Aleksandër Vuçiç deklaroi se nuk ka çfarë të dialogojë me kryeministrin e Kosovës, Albin Kurti për sa kohë ai do të qëndrojë në krye të qeverisë.

“Kërkoj nga fuqitë që e mbrojnë të na ndihmojnë, ta frenojnë e ta mbushin mend Albin Kurtin”, theksoi ai.

Sipas tij, nuk ka gjë as nga dialogu në Bruksel.

“Në Bruksel nuk ka dialog derisa të jetë Kurti, njeriu ka vendosur të mos dialogojë”.

Më herët gjatë një deklarate, Vuçiç shprehu shqetësimin për vendimin e qeverisë së Kosovës, në prag të zbatimit të reciprocitetit për targat, që fillon më 1 gusht.

Vuçiqi tha se është “i gatshëm të shkojë çdo herë për bisedime, por se sipas tij, nuk di për çfarë të flasë.

Ka folur edhe për kërkesën e Perëndimit që Serbia t’i vë sanksione Rusisë.

Përsëriti se nuk do ta bëjë këtë.

Gjatë ditës së enjtes, për të disatën herë, kryeministri i Kosovës Kurti akuzoi Vuçiqin për dështim të takimit të planifikuar për 19 korrik. Kurti tha se Vuçiqi me qëllim edhe po e vonin krijimin e Qeverisë në mënyrë që të mos i vë sanksione Rusisë.

Rruga Press