Lajme

Vrasja në Malishevë – Haxhiu: Organet e drejtësisë duhet ta zbardhin plotësisht këtë vrasje të rëndë

Ushtruesja e dëtyrës së presidentes Albulena Haxhiu, ka reaguar lidhur me vrasjen e 25-vjeçares në Malishevë.

Haxhiu, përmes një postimi në profilin e saj në rrjetin social Facebook, ka shkruar se shoqëria jonë nuk mund të jetë e sigurt përderisa gratë nuk janë të sigurta as në shtëpitë e tyre.

“Organet e drejtësisë duhet ta zbardhin plotësisht këtë vrasje të rëndë dhe të veprojnë me gjithë përgjegjësinë që kërkon një rast i tillë”, ka shkruar ajo.

Lexo më shumë  Avokati i Popullit konstaton cenim të të drejtave të njeriut në lagjen “Kalabria”, kërkon ndërhyrje urgjente nga Komuna e Prishtinës

Postimi i saj i plotë:

Vrasja e 25-vjeçares, në javën e 34-të të shtatzënisë, na ka tronditur thellë.

Shoqëria jonë nuk mund të jetë e sigurt përderisa gratë nuk janë të sigurta as në shtëpitë e tyre. As familja dhe as martesa nuk mund të përdoren për ta fshehur apo arsyetuar dhunën. Kur një gruaje i rrezikohet jeta, kjo nuk është më çështje private. Është një çështje që na përket të gjithëve dhe përballë së cilës institucionet duhet të veprojnë pa vonesë.
Organet e drejtësisë duhet ta zbardhin plotësisht këtë vrasje të rëndë dhe të veprojnë me gjithë përgjegjësinë që kërkon një rast i tillë.
Familjes së të ndjerës i shpreh ngushëllimet më të sinqerta në këtë dhimbje të madhe.

Lexo më shumë  Eurostat “zbulon” paradoksin, shqiptarët rritën të ardhurat në 2025-n, por u bënë më të varfër

Rruga Press

YouTube player