Von der Leyen vizitë në Kiev për Ditën e Evropës: Këtu mbrohen vlerat e BE-së

Presidentja e Komisionit Evropian, Ursula von der Leyen ka mbërritur në Kiev për të shënuar Ditën e Evropës. Blloku prej 27 vendesh tradicionalisht shënon “paqen dhe unitetin” më 9 maj. Të hënën, Zelenskyy njoftoi se vendi i tij do ta festonte njëlloj këtë ditë “së bashku me të gjithë Evropën e lirë”.

“Është bukur të kthehesh në Kiev. Aty ku vlerat e dashura për ne mbrohen çdo ditë. Prandaj është një vend i përshtatshëm për të festuar Ditën e Evropës. Unë mirëpres Presidentin Zelensky për të bërë 9 majin Ditën e Evropës edhe këtu në Ukrainë”, shkroi ajo në një postim në Twitter.

Good to be back in Kyiv.

Where the values we hold dear are defended everyday.

So it is such a fitting place to celebrate the day of Europe.

I welcome President @ZelenskyyUa's decision to make 9 May Europe Day also here in Ukraine. pic.twitter.com/MEGOEfgyIq

— Ursula von der Leyen (@vonderleyen) May 9, 2023

Von der Leyen e ka vizituar tashmë Kievin në disa raste që nga pushtimi i plotë i Ukrainës nga Rusia 14 muaj më parë. Ajo ka qenë një shtytëse kryesore në ofrimin e mbështetjes për popullin ukrainas dhe në vendosjen e sanksioneve që synojnë Kremlinin.

Rruga Press