(Video) “Lëre se ka gazetarë…”, gafa e drejtorit të policisë Tiranë për të mbuluar dhunën ndaj protestuesve
Dhuna e Policisë së Shtetit ndaj protestuesve që kundërshtojnë rritjen e çmimit të naftës dhe produkteve të tjera të shportës ishte e pranishme edhe në protestën e djeshme në Tiranë dhe qytete të tjera të vendit.
Por rasti më flagrant është kur vetë drejtori i Policisë në Tiranë, Lorenc Panganika, i ka kërkuar efektivëve të vetë të mos ushtrojnë dhunë ndaj një protestuesi sepse ka gazetarë.
Pra, kryepolici jep urdhër për shmangie të dhunës jo sepse kjo nuk është e lejueshme, por vetëm sepse rreth e rrotull ka gazetarë.
Po të mos kishte gazetarë, dhuna ndaj protestuesve mund të ushtrohej lirisht, kjo është logjika e drejtorit të Policisë Tiranë, Lorenc Panganika. Shihni videon më poshtë të publikuar nga “Jeta Osh Qef”.
Rruga Press
Lexo më shumë Vulin dyshohet se provoi të arratisej në Moskë, avioni detyrohet të kthehet në Beograd