Ushtria ukrainase futet edhe në Vovochansk, qytet që gjendet vetëm tri kilometra nga kufiri me Rusinë

Ushtria ukrainase është futur në Vovchansk, qytet ky në veri të rajonit Kharkiv, që gjendet shumë pranë kufirit me Rusinë.

Ky qytet në fakt gjendet vetëm tri kilometra larg kufirit me Rusinë, të cilin e kishte okupuar ushtria ruse në ditën e parë të pushtimit.

Ky lajm është bërë i ditur nga Rojat Kufitare të Ukrainës (SPSU) – duke publikuar edhe një video në rrjetin social Facebook.

“Vovchansk në shtëpi. Rojat kufitare hoqën mbeturinat e mbetura. Slava Ukraini”, kanë shkruar përbri videos së postuar.

Aty shihen ushtarët ukrainas duke u futur brenda objekteve që i shfrytëzonte ushtria ruse, dhe kishte mbishkrime propaganduese nga separatistët pro-rusë “Jemi me rusët, jemi një komb”.

Në anën tjetër, kryeministri ukrainas Volodymyr Zelensky ka bërë të ditur se brenda 10 ditëve – pra nga fillimi i kundërofensivës kanë arritur të çlirojnë mbi 6 mijë kilometra katrorë, duke i detyruar trupat ruse të tërhiqen nga rajonet që i mbanin nën kontroll.

Rruga Press