Bota

Ushtria ruse fillon tërheqjen nga Kherson, forcat ukrainase përparojnë 7 km dhe rimarrin disa zona në jug

Ditën e djeshme, Ministria e Mbrojtjes së Rusisë ka lajmëruar se do të tërheqë trupat e saj nga rajoni i Khersonit.

Ndërsa ditën e sotme, ushtria ruse njoftoi se ka filluar të tërhiqet nga zonat e provincës Kherson, objektivi i një kundërsulmi nga forcat ukrainase në pjesën jugore të vendit, për t’u rigrupuar në bregun lindor të Dnieper.

Lexo më shumë  Forcat ukrainase rrëzuan 130 dronë të lëshuar nga Rusia brenda natës

“Njësitë e trupave ruse po lëvizin në pozicione të paracaktuara në bregun e majtë të lumit Dnieper, bazuar në planin e miratuar”, njoftoi Ministria ruse e Mbrojtjes.

Ndërkohë, shefi i ushtrisë ukrainase, Valery Zaluzny, tha sot se forcat ukrainase përparuan shtatë kilometra në dy drejtime në pjesën jugore të vendit dhe morën nën kontroll 12 vendbanime të reja në 24 orët e fundit.

Lexo më shumë  OKB: Irani po përdor dronë dhe aplikacione për t’i kapur gratë pa hixhabe

“Ne ende nuk mund të konfirmojmë apo mohojmë informacionin për të ashtuquajturën tërheqje të forcave pushtuese ruse nga Khersoni. Ne po vazhdojmë operacionin e sulmit në bazë të planit tonë”, ka thënë ai në Telegram.

Rruga Press

YouTube player

Leave a Reply

Your email address will not be published. Required fields are marked *