Ushtria e Shqipërisë dhe e Kosovës në trajnim të përbashkët: Së bashku jemi më të fortë

November 3, 2022November 3, 2022 user 1

Ministri i Mbrojtjes i Kosovës, Armend Mehaj, ka shkruar se Forcat e Sigurisë së kosovës dhe Forcat e Armatosura të Republikës së Shqipërisë kanë kryer trajnimin e përbashkët një-mujor.

Ai u shpreh se “në kuadër të bashkëpunimit bilateral me Ministrinë e Mbrojtjes dhe Forcave të Armatosura të Republikës së Shqipërisë, është arritur që të dyfishohet bashkëpunimi ndërushtarak”.

Postimi i plotë:

Efektivët tanë të njësive të këmbësorisë së bashku me vëllezërit e motrat e njësive homologe të Forcave të Armatosura të Shqipërisë, shkëmbyen eksperiencat e tyre, gjatë trajnimit të përbashkët një mujor.

Lexo më shumë Tentoi të hyjë ilegalisht një serb në Kosovë, ndalohet nga policia

Në kuadër të bashkëpunimit bilateral me Ministrinë e Mbrojtjes dhe Forcave të Armatosura të Republikës së Shqipërisë, kemi arritur që të dyfishojmë bashkëpunimin ndërushtarak, që ndër të tjera ka rezultuar me ndërtimin dhe zhvillimin e aftësive dhe kapaciteteve të para të komponentës luftarake dhe mbështetjes luftarake të Forcës së Sigurisë së Kosovës.

Vizionin e përbashkët e mbështesim në konceptin “smart defense”, me mbështetjen dhe koordinimin e plotë me aleatin tonë jetik SHBA-në, gjithnjë në funksion të përmbushjes së misioneve tona kushtetuese, dhe në shërbim të paqes, stabilitetit dhe sigurisë së vendeve tona, rajonit tonë dhe botës liridashëse dhe paqedashëse.

Së bashku gjithmonë jemi më të fortë!