U kapën pa maskë, gjobiten 571 qytetarë në 24 orët e fundit

December 4, 2020 user 1

Në 24 orët e fundit, policia e shtetit ka gjobitur 571 qytetarë që janë kapur pa maskë, në kuadër të masave mbrojtëse anti-Covid. Gjatë kontrolleve në terren, brenda një dite, me 3,000 lekë janë gjobitur 571 qytetarë që janë kapur duke lëvizur pa maskat mbrojtëse. Po ashtu, njoftohet se janë shoqëruar në ambientet e Policisë në të gjithë vendin, 6 persona që nuk kanë pranuar t’i tregojnë punonjësve të Policisë dokumentin e identifikimit. Pasi e kanë paraqitur dokumentin e identifikimit, ata janë ndëshkuar me 3.000 lekë gjobë dhe më pas janë lënë të lirë, raporton RrugaPress.

Lexo më shumë Gërvalla mohon se heshti pas aktgjykimit të Speciales: I jemi futur punës – me kokë të ftohtë e pa shumë bërtitma po përgatitemi për betejën ligjore të radhës

Në vijim të kontrolleve për zbatimin e vetëkarantinimit të detyrueshëm nga të infektuarit me COVID-19, janë evidentuar 5 qytetarë që kanë shkelur rregullat e vetëkarantinimit. Ata janë ndëshkuar me 700.000 lekë gjobë secili. Gjithashtu, gjatë kontrolleve janë konstatuar 18 qytetarë që lëviznin në rrugë pas orës 22:00, pa arsye të domosdoshme. Ata janë ndëshkuar me masën administrative 10.000 lekë secili.

Lexo më shumë Vodhi 69 mln lekë, gjykata i zëvendëson masën nga “arrest në burg” në arrest shtëpie ish-drejtoreshës së Postës Durrës