Tragjedia në Austri, mes viktimave edhe një vajzë 15-vjeçare shqiptare

Një 15-vjeçare nga Vitia, e Kosovës dyshohet se është një nga viktimat e masakrës së ndodhur në një shkollë në Graz të Austrisë, ku një person qëlloi me armë zjarri, duke lënë të vdekur 10 persona.

15-vjeçarja ishte nxënëse në një nga klasat ku ndodhi sulmi. Mes viktimave është edhe autori i masakrës, një 21-vjeçar, ish-nxënës i cili u gjet i vetëvrarë në një nga tualetet e shkollës.

Nga kjo tragjedi mbetën të vrarë 9 nxënës, një mësues dhe autori i krimit. I riu dyshohet se hyri në dy klasa në shkollën e mesme austriake me dy armë, një pistoletë dhe një pushkë gjuetie. Aktualisht, raportohen për 30 persona të plagosur.

Ndërkohë, presidentja Vjosa Osmani në reagimin e saj tha se ky sulm është i tmerrshëm dhe se shkollat nuk duhet të jenë vende dhune dhe terrori.

‘Ne mendojmë për familjet që humbën të dashurit e tyre dhe qëndrojmë me popullin e Austrisë gjatë kësaj kohe të dhimbshme. Lutemi për shërim të plotë të të plagosurve dhe për shërim në ditët në vijim’, shkroi Osmani në platformën ‘X’.

Rruga Press