Tkurret tregtia e jashtme e Shqipërisë, rënia e eksporteve në nivelin 12%

June 20, 2023 user 1

Vlera e eksporteve në muajin maj ishte 40 mld lekë, duke pësuar rënie me 12%. Efekti negativ ka ardhur nga materialet e ndërtimit, metalet, mineralet, lëndët djegëse dhe energjia elektrike.

Eksportet e Shqipërisë kanë vijuar rënien dyshifrore për të tretin muaj radhazi në maj, duke bërë që e gjithë periudha pesë-mujore të kthehet me tendencë negative.

Mineralet e lëndët djegëse, së bashku me materialet e ndërtimit e metalet kanë ndikuar në këtë rënie. Tekstilet kanë pasur një ritëm më pozitiv, megjithatë mbeten me rritje minimale, ndërsa ecurinë më të mirë e kanë regjistruar eksportet e produkteve bujqësore dhe të makinerive e pajisjeve.

Lexo më shumë Reporterët Pa Kufij: “Mediat private më me ndikim në Shqipëri në pronësi të një numri të vogël kompanish që kanë lidhje me botën politike, veçanërisht në sektorë si ndërtimi"

Sipas INSTAT, në maj 2023, eksportet e mallrave arritën vlerën 40 miliardë lekë, duke u ulur me 12 për qind, në krahasim me të njëjtën periudhë të një viti më parë.

Në këtë pesë-mujor, eksportet e mallrave arritën vlerën 196 miliardë lekë, duke u ulur me 5për qind, si reflektim i rënies së çmimeve të mallrave në tregjet ndërkombëtare, por edhe zhvlerësimit të euros.

Lexo më shumë 77 milionë euro për bujqësinë, Muja: Arkitekturë e re për mbështetjen e fermerëve

Duke bërë diferencën me vlerën e importeve që arritën 81 mld lekë, defiçiti tregtar i këtij muaji është 41 mld lekë, me rritje 18%, krahasuar me majin 2022.

Rruga Press