Rekord tronditës: 1295 refugjatë brenda një dite e kaluan Kanalin me varka të vogla
Shifra e së hënës e tejkaloi rekordin e mëparshëm që ishte vënë nëntorin e kaluar.
Një rekord prej 1,295 personash kaluan Kanalin detar të Britanisë me varka të vogla të hënën, duke rritur shqetësimin se politikat agresive të Ministrisë së Brendshme britanike nuk kanë arritur të frenojnë numrin e atyre që hyjnë në Mbretërinë e Bashkuar duke rrezikuar jetën.
Ai ishte numri më i lartë në një ditë të vetme që nga fillimi i regjistrimeve në vitin 2018, duke tejkaluar numrin 1185 brenda një dite në nëntor të vitit të kaluar. Ministria e Mbrojtjes tha se të hënën kaluan 27 barka.
Shifrat e fundit vijnë pavarësisht politikave gjithnjë e më agresive dhe të shtrenjta nga Ministria e Brendshme e Priti Patel-it. Këtë vit, ajo ka arritur një marrëveshje prej 120 milion paundësh për të dërguar azilkërkuesit në Ruanda, ka kërkuar nga anijet e Marinës Mbretërore që të shpëtojnë varkat në ujërat e Mbretërisë së Bashkuar dhe ka kërcënuar se do t’i kthejë varkat mbrapsht për në Francë.
Enver Solomon, shefi ekzekutiv i Këshillit të Refugjatëve, tha: “Është e qartë se plani mizor dhe i poshtër i kësaj qeverie për t’i trajtuar njerëzit si ngarkesë njerëzore duke i dërguar në Ruandë nuk po bën asgjë për t’i ndaluar njerëzit që ndihen të detyruar të kalojnë Kanalin.
“Kjo për shkak se këto plane të tmerrshme nuk arrijnë të kuptojnë arsyet pse njerëzit hyjnë në radhë. Numri shumë i lartë i njerëzve që kalojnë Kanalin janë burra, gra dhe fëmijë që ikin nga lufta dhe shtypja në vende si Afganistani dhe Siria, nuk kanë zgjidhje tjetër veçse të bëjnë udhëtime të dëshpëruara, të tmerrshme për të gjetur siguri.
“Statistikat e vetë qeverisë tregojnë se tre të katërtat e rasteve të azilit u japin mbrojtje refugjatëve këtu. Këta janë njerëz që kanë duruar rreziqe dhe trauma të paimagjinueshme dhe thjesht duan të jenë të sigurt.”
Në Dover të hënën, kërcënimet nuk duket se i kanë ndalur njerëzit të kërkojnë strehim në Mbretërinë e Bashkuar. Foshnja dhe disa fëmijë të tjerë të vegjël, disa të mbështjellë me batanije dhe të veshur me kapele të leshta, ishin në mes të njerëzve që u panë duke u nxjerrë në breg. Jelekët e shpëtimit u fotografuan në grumbuj në bregun e detit të Kent pasi gomone dhe barka të tjera u kapën në Kanal.
Rruga Press