Teuta Arifi e paqartë: Përgjegjësia është obligim i të gjithëve

Kryetarja e Tetovës, Teuta Arifi në edicionin special të TV21 për tragjedinë në Tetovë ka bërë të ditur se në Shtabin e Krizës është sjellë vendim që mos të ndahen informacionet për shkaqet e mundshme të zjarrit në Qendrën Kovid.

“Që deklaratat që do të bëhen për shkaqet dhe viktimat do të bëhen zyrtarisht pasi të grumbullohen të gjitha të dhënat dhe ato të jenë të zyrtarizuara”, tha Arifi.

Nuk ka pranuar të flasë për numrin e viktimave dhe të lënduarve.

“Gjithçka që del në media ne do të themi se është spekulim, pasi ende nuk ka informacion zyrtar”, tha Arifi më tej.

Se a do të ketë përgjegjësi, ajo tha:

“Për çdo ngjarje përgjegjësia është obligim i të gjithëve dhe nga ajo nuk duhet të ikim”.

Rruga Press