Tërmeti në Marok/ Mbi 2100 kanë ndërruar jetë, ekipet e huaja bashkohen në përpjekjet për kërkim-shpëtim

September 11, 2023 User2

Ekipet e kërkim-shpëtimit po luftojnë me kohën teksa gërmojnë për të gjetur ndonjë të mbijetuar nën rrënoja në Marok, pas tërmetit më të fuqishëm që është regjistruar ndonjëherë në këtë shtet.

Një tërmet 6.8 ballë i shkallës Rihter e ka goditur të premten qytetin jugperëndimor Marrakesh, dhe për pasojë kanë vdekur 2,122 persona, ndërsa mbi 2.400 të tjerë janë plagosur.

Autoritetet marokene kanë thënë se ekipet nga Spanja, Britania, Katari dhe Emiratet e Bashkuara Arabe kanë shkuar në Marok për t’iu ndihmuar autoriteteve vendore.

Lexo më shumë Dronët ukrainas godasin sërish rafinerinë më të madhe të naftës në Rusi, pasi përshkuan afro 3.000 kilometra

Sipas Ministrisë së Brendshme, në të ardhmen mund të pranohen edhe ofertat e vendeve tjera, pasi dërgimi i më shumë ekipeve në këtë pikë në Marok mund të jetë kundërproduktiv, për shkak të mungesës së koordinimit.

Sipas Radio Evropa e Lirë, tërmeti e ka bërë rrafsh me tokë fshatin Tafegagte në provincën Al-Haouz, rreth 60 kilometra larg Marrakeshit. Sipas agjencisë së lajmeve AFP, pak ndërtesa shihen në këmbë.

Lexo më shumë Hungaria pritet të marrë pothuajse 10 miliardë euro të bllokuara nga BE-ja gjatë viteve të Orbanit në pushtet

“Gjithçka është shkatërruar. Më është thyer zemra”, është cituar të ketë thënë Zahra Benbrik, 62-vjeçare, të cilës i kanë vdekur 18 familjarë si pasojë e tërmetit. Sipas mediave në Marok, më shumë se 18.000 familje janë prekur nga ky tërmet.

Rruga Press