Tërhiqet nga festa e birrës në Korçë edhe Krasniqi i “Ilirët”

August 12, 2021 user 1

Në festën e birrës në Korçë mund të performojë Goran Bregovic, por nuk do të ketë asnjë këngëtar nga Kosova. I fundit që ende nuk kishte deklaruar tërheqjen ishte Shemsi Krasniqi, i grupit “Ilirët”, i cili njoftoi mospjesëmarrjen, duke iu bashkuar kështu qëndrimit të mëparshëm të Capital T, Dafina Zeqirit, grupit “NA” dhe Dren Abazit.

“Unë e kam menduar se kjo ka lidhje me art, por po e shoh që kjo nuk ka lidhje fare me art. Këtu kam gabuar pak dhe e pranoj gabimin tim se unë jam muzikant, nuk jam politikan.

Lexo më shumë Ministrja Haxhiu për vrasjet e grave: Që të ketë drejtësi për secilin rast, na duhet punë serioze

Kjo ka marrë një konotacion politik dhe unë kam vendosur që për këtë shkak të tërhiqem nga ky event. Kam pasur dëshirë të flaktë të shkoja në Korçë se nuk kam kënduar kurrë në këtë qytet.

Kam dashur ta këndoj atje këngën “Xhamadani vija vija”, këngën e Adem Jasharit. T’ja këndoj masës, por për shkak të të gjitha rrethanave që kanë ndodhur unë nuk do të shkoj në Korçë.

Lexo më shumë Kurti: Bandat fashiste nuk mund të hyjnë në zyrat e kryetarëve

Vetëm nëse ndodh diçka dhe Bregovic nuk do të marrë pjesë, padyshim që do të jem aty!, është shprehur këngëtari.

Rruga Press