Tensionet me Rusinë, Ukraina nuk përjashton referendumin për krahinën separatiste
Ukraina nuk përjashton mundësinë e mbajtjes së një referendumi për statusin e rajonit lindor të pushtuar nga lufta, Donbas, gjithashtu edhe për Krimenë e aneksuar nga Rusia.
Këtë e konfirmoi presidenti, Volodymyr Zelenskiy, por nuk dha shumë detaje se si dhe kur mund të mbahet ky referendum. Sipas tij kjo është një mënyrë për të vendor paqen në lindje të Ukrainës dhe për t’i dhënë fund tensioneve me Rusinë fqinje.
Zelenskiy përshëndet angazhimin personal të presidentit amerikan, Joe Biden, për t’i dhënë fund konfliktit në lindje të Ukrainës. Presidenti ukrainas tha se SHBA ka marrë garanci nga Rusia se nuk do të ketë përshkallëzim të tensioneve. Zelensky nuk përjashtoi mundësinë e bisedimeve direkte me presidentin rus, Vladimir Putin, por pranoi se ky i fundit dëshiron të negociojë vetëm me Biden.
Rruga Press