Takimi Putin- Kim Yong Un, 5 gjërat që duhet të dini

Takimi i Vladimir Putin me Kim Jong-un u cilësua nga SHBA si një akt dëshpërimi i kërkuar nga udhëheqësi rus. Megjithëse janë shfaqur pak detaje rreth diskutimeve të dy liderëve, samiti në Lindjen e Largët Ruse mund të paraprijë zhvillime të reja dhe shqetësuese për luftën në Ukrainë, por dhe për ambiciet ushtarake të Koresë së Veriut. Ndërsa lideri i Koresë së Veriut vazhdon turneun e tij në objektet ushtarake në Rusi, më poshtë gjeni dhe 5 pikat kyçe mbi takimin Kim-Putin.

Koreja e Veriut dhe ëndrra për satelitët

Kim Jong-un thuhet se udhëtoi për në Rusi me shpresën për t’i shitur Kremlinit predha artilerie dhe raketa antitank, por roli i tij ishte më shumë se ai i shitësit të armëve.

Takimi i tij këtë javë me Vladimir Putin ka dërguar sinjale të pagabueshme se regjimi i Phenianit është ende i interesuar të krijojë një prani në hapësirë, ndoshta për shkak të dështimit të fundit për të vendosur satelitët ushtarakë në orbitë.

Vendi i takimit të tij me Putinin, kozmodromi Vostochny, është tregues i rëndësishëm për këtë. Para bisedimeve të tyre, liderët vizituan objektet e montimit dhe nisjes në kozmodrom, ku Kim u informua mbi detajet teknike rreth mjeteve hapësinore ruse.

Ka dyshime mbi gatishmërinë e Rusisë për të ndarë informacione të ndjeshme rreth teknologjive të armëve me Korenë e Veriut në këmbim për t’u furnizuar me municione.

Por Putin nuk përjashtoi ndihmën ndaj regjimit në mënyrë që ai të lëshonte satelitët dhe raketat e veta. “Kjo është pikërisht arsyeja pse ne erdhëm këtu,” u tha ai gazetarëve. “Udhëheqësi i Koresë së Veriut tregon interes të madh për hapësirën, për raketat dhe ata po përpiqen të zhvillojnë hapësirën. Ne do të tregojmë objektet tona të reja”, shtoi Putin.

Lufta e Rusisë në Ukrainë po i shtyn dy shtetet në krahët e njëri-tjetrit

Samiti ishte një mundësi për të dy liderët për të demonstruar se pavarësisht luftës, sanksioneve dhe dënimit të gjerë ndërkombëtar, ata nuk janë pa aleatë.

Zgjedhja e gjuhës së Kim në Rusi është potencialisht refuzimi i tij për dialogun me SHBA-në lidhur me zhvillimin e raketave balistike dhe armëve bërthamore, pasi iu referua “luftës së shenjtë” të Kremlinit kundër “forcave hegjemoniste” që e kundërshtojnë atë.

Katër vjet pas samitit me Donald Trump në Hanoi në vitin 2019, udhëheqësi i Koresë së Veriut është bashkuar me armikun e Uashingtonit në Moskë – një ndryshim i përshpejtuar nga rrjedha e luftës në Ukrainë. “Tani ne duam të zhvillojmë më tej marrëdhëniet,” tha Kim, sipas pamjeve të transmetuara në televizionin rus.

Samiti Kim-Putin nuk ishte thjesht një shkëmbim mendimesh – ose një mundësi për të shkëmbyer dhuratat e “armëve të vogla” – por një demonstrim se dy shtetet kanë nevojë për njëri-tjetrin më shumë se kurrë.

Sanksionet, izolimi total i detyruar nga pandemia Covid-19 dh  një popullsi e goditur nga keqmenaxhimi ekonomik dhe kequshqyerja e kanë detyruar dorën e Kim-it të shtrihet drejt Moskës.

Udhëheqësi i Koresë së Veriut Kim Jong-un përgjigjet ndërsa Presidenti rus Vladimir Putin e largon atë nga kozmodromi Vostochny

Perëndimi është i shqetësuar

Cilido qoftë rezultati i bisedimeve, përafrimi i interesave të Kim-it dhe Putinit – në masën që Kim tha se marrëdhëniet me Moskën tani ishin prioriteti i tij i politikës së jashtme – po merret seriozisht nga perëndimi.

Pavarësisht se e hodhi poshtë samitin si një akt dëshpërimi nga ana e Putinit, SHBA-ja paralajmëroi se regjimi i tij do të “paguante një çmim” për furnizimin me municione dhe armë për luftën në Ukrainë.

“Asnjë komb në planet, askush, nuk duhet ta ndihmojë Putinin të vrasë ukrainasit e pafajshëm”, tha këtë javë zëdhënësi i Këshillit të Sigurisë Kombëtare të Shtëpisë së Bardhë, John Kirby. Nëse vendet vendosin të ecin përpara me një marrëveshje armësh, SHBA-ja “do të merret me të në mënyrë të përshtatshme”, shtoi ai.

Japonia iu bashkua linjës amerikane, me ministren e Jashtme, Yoko Kamikaëa, se një marrëveshje e tillë do të shkelte sanksionet e OKB-së kundër Koresë së Veriut. Japonia, shtoi ajo, kishte parë “me shqetësim” ngjarjet e kësaj jave në Rusi.

Koreja e Jugut shprehu “shqetësim dhe keqardhje” për takimin Putin-Kim, megjithëse nuk është e qartë nëse ata arritën një marrëveshje për furnizimet me armë. Asnjë deklaratë e samitit nuk u lëshua kjo dhe për shkak se krerët e dy shteteve

krerët e dy shteteve të fshehta paranojake – dhe nuk kishte asnjë shans që asnjëri të ekspozohej ndaj kontrollit mediatik duke mbajtur një konferencë shtypi.

“Çdo bashkëpunim shkencor dhe teknologjik që kontribuon në zhvillimin e armëve bërthamore dhe raketave, duke përfshirë sistemet satelitore që përfshijnë teknologji të raketave balistike, bie ndesh me rezolutat e Këshillit të Sigurimit të OKB-së,” u tha gazetarëve zëdhënësi i ministrisë së jashtme të Koresë së Jugut, Lim Soo-suk.

Në përgjigje, Rusia akuzoi Uashingtonin për hipokrizi, duke marrë si analogji furnizimet me armë që po i bën Ukrainës.

“Shtetet e Bashkuara nuk kanë të drejtë të na japin leksione se si të jetojmë”, tha në një deklaratë ambasadori i Rusisë në SHBA, Anatoly Antonov.

Motra e Kim është ende e besuara e tij më e ngushtë

Delegacioni i Kim përfshinte zyrtarë të lidhur ngushtë me inventarin e armëve të Koresë së Veriut dhe ambiciet ushtarake, por fotot zyrtare të Kim Yo-yong – motrës më të vogël të liderit – ishin një kujtesë se ajo mbetet e besuara e tij më e ngushtë, përveç rolit të saj si propaganduese e Phenianit.

Thashethemet e vazhdueshme në lidhje me shëndetin e vëllait të saj obezë dhe duhanpirës – i cili u bë lider pas vdekjes së papritur, nga një atak në zemër, të babait të tij Kim Jong-il – i kanë dhënë një urgjencë të shtuar çështjes së trashëgimisë që vërtitet rreth dinastisë së vetme komuniste në botë. .

Prania e vajzës së Kim, Ju Ae , në lëshimet e fundit të raketave ka nxitur spekulimet se ai po e përgatit atë si trashëgimtaren e tij. Ju Ae, e cila mendohet të jetë 12 ose 13 vjeçe, është parë disa herë në publik që kur u fotografua, dorë për dore, me babanë e saj për herë të parë gjatë lëshimit të raketës balistike në nëntor të vitit të kaluar.

Çfarëdo që ai ka planifikuar për gjeneratën e katërt të dinastisë Kim, fokusi është përsëri te pajisjet ushtarake dhe hapësinore.

Udhëtimi në Rusi ishte një kujtesë se Kim Yo-jong është personi të cilit i drejtohet fillimisht për këshilla.

Kjo mund të jetë një aleancë e gjatë dhe e rrezikshme

Ndërsa Kim përgatitej të hipte në trenin e tij të blinduar fundjavën e kaluar, mediat ndërkombëtare spekuluan se ai do të takonte Putinin në Vladivostok për një takim një ditor.

Por dy ditë pas samitit të tyre, Kim është ende në Rusi , të premten ai u pa duke vizituar një objekt të hapësirës ajrore që ofroi të dhëna të mëtejshme rreth qëllimit të vizitës së tij.

Kim tani ka bërë dy udhëtime në Rusi në pak më shumë se katër vjet, dhe takimi i tij i radhës me Putinin pritet të jetë në Phenian pasi udhëheqësi rus “pranoi me mirënjohje” një ftesë për të bërë një vizitë reciproke – e cila do të ishte e para për Veriu që nga viti 2000.

Siç i tha Kim Putinit, takimi i tyre kishte sjellë lidhjet dypalëshe në një “nivel të ri”, duke shtuar se ai shpresonte se marrëdhëniet e vendeve të tyre do të vazhdonin të lulëzojnë “për 100 vitet e ardhshme”.

Rruga Press