Syla në takimin e radhës të Grupit të Kontaktit për Mbrojtjen e Ukrainës

Zëvendësministri në detyrë i Mbrojtjes së Republikës së Kosovës, Shemsi Syla, mori pjesë në takimin e radhës të Grupit të Kontaktit për Mbrojtjen e Ukrainës, i cili u mbajt në selinë e NATO-s në Bruksel.

Zëvendësministri në detyrë i Mbrojtjes së Republikës së Kosovës, Shemsi Syla, mori pjesë në takimin e radhës të Grupit të Kontaktit për Mbrojtjen e Ukrainës, i cili u mbajt në selinë e NATO-s në Bruksel.

Takimi u organizua nga Sekretari i Shtetit për Mbrojtje i Mbretërisë së Bashkuar, John Healey, dhe Ministri Federal i Mbrojtjes së Gjermanisë, Boris Pistorius. Ky forum mblodhi përfaqësues të lartë të mbrojtjes nga dhjetëra vende partnere për të koordinuar dhe fuqizuar mbështetjen ndërkombëtare për Ukrainën, në përballje me agresionin e vazhdueshëm rus, njofton Ministria e Mbrojtjes.

Sipas Ministrisë pjesëmarrja e zëvendësministrit Syla në këtë takim riafirmoi përkushtimin e Republikës së Kosovës për paqe, siguri dhe bashkëpunim të ngushtë me aleatët ndërkombëtarë, në mbështetje të sovranitetit dhe integritetit territorial të Ukrainës, si dhe të vlerave të përbashkëta demokratike.

Rruga Press