Sveçla: Kosova e përkushtuar të shtyjë përpara iniciativat në kuadër të Procesit të Berlinit
Ministri i Punëve të Brendshme, Xhelal Sveçla, ka marrë pjesë në takimin e ministrave përgjegjës për sigurinë e brendshme dhe migracionin në vendet pjesëmarrëse në Procesin e Berlinit.
Këtë e ka bërë të ditur përmes një statusi në Twitter.
Ai ka thënë se Kosova është e përkushtuar të shtyjë përpara iniciativat në kuadër të Kornizës së Procesit të Berlinit në dobi të rajonit dhe më gjerë.
“Lufta kundër krimit të organizuar dhe korrupsionit, migracionit të paligjshëm dhe terrorizmit mbetet prioritet për qeverinë tonë”, ka shkruar Sveçla.
Në kuadër të Procesit të Berlinit, të enjten në kryeqytetin e Gjermanisë do të mbahet takimi i ministrave të jashtëm të vendeve pjesëmarrëse në atë iniciativë.
Të hënën do të mbahet takimi i ministrave të energjisë dhe të gjitha këto takime janë përgatitje për Samitin e Procesit të Berlinit, i cili do të mbahet më 3 nëntor.
Procesi i Berlinit u iniciua nga Angela Merkel me qëllim të përmirësimit të bashkëpunimit në rajonin e Ballkanit Perëndimor, në mënyrë që të përgatitet më shpejt për anëtarësimin e mundshëm në BE përmes forcimit të bashkëpunimit rajonal.
Great pleasure to be present together in the meeting of the Ministers responsible for internal security and migration in the countries participating in the #BerlinProcess. 1/2 pic.twitter.com/1w30o4Uoxe
— Xhelal Sveçla (@XSvecla) October 20, 2022
Kosovo is committed to push forward the initiatives under the Berlin Process Framework in the benefit of the region and beyond. Fighting organized crime and corruption, illegal migration and terrorism remains priority for our government. 2/2#berlinprocess pic.twitter.com/C4KoTX4fkn
— Xhelal Sveçla (@XSvecla) October 20, 2022
Rruga Press