Sulmohen qendrat e vaksinimit në Francë, vendi është përfshirë nga një valë protestash pas ashtrëngimit të masave

Dy qendra vaksinimi janë shkatërruar në Francë mes protestave mbi futjen e rregullave më të ashpra të koronavirusit nga qeveria. Franca ka parë disa akte dhune dhe vandalizmi kundër ligjvënësve që mbështetën rregullat e reja të vaksinimit.

Një vend në Francën jug-lindore u vandalizua dhe u përmbyt me zorrë uji të Premten mbrëma, thanë autoritetet. Një ditë më vonë, një klinikë tjetër në jug-perëndim u shkatërrua pjesërisht në atë që media lokale e quajti një sulm me zjarr.

Sipas BBC, incidentet erdhën në një fundjavë të demonstratave kundër masave të Covid. Të Shtunën, më shumë se 100,000 njerëz dolën në rrugë nëpër Francë për të denoncuar rregullat e krijuara për të trajtuar infeksionet në rritje.

Grafitet kundër vaksinave u gjetën pranë një qendre vaksinimi të vandalizuar në Lans-en-Vercors pranë qytetit jug-lindor të Grenoble. Sulmi me zjarr i së shtunës shënjestroi një klinikë në fshatin Urrugne afër Biarritz në jug-perëndim.

Masat e diskutueshme përfshijnë vaksinat e detyrueshme për personelin shëndetësor dhe certifikaten e vaksinimit për tt hyrë në kinema, bare apo transport publik. Kritikët kanë akuzuar qeverinë e Presidentit Emmanuel Macron për shkeljen e lirive të tyre.

Rruga Press

Lexo më shumë  Blinken: Kur bëhet fjalë për objektivat strategjike, Putini tashmë ka dështuar

Leave a Reply

Your email address will not be published.