Sulmet ruse, Prokuroria Federale Gjermane nis hetimet për krimet e luftës në Ukrainë
Prokurori federal i Gjermanisë njofton se kanë nisur hetime për krimet e luftës të kryera nga trupat ruse që nga pushtimi i Ukrainës.
“Zyra e Prokurorisë Federale, ka hapur një hetim strukturor në lidhje me konfliktin e armatosur ndërkombëtar midis Rusisë dhe Ukrainës. Ka indikacione konkrete se në veçanti krimet e luftës përfshijnë përdorimin e metodave të ndaluara të luftës kundër civilëve ukrainas si dhe objekteve civile,” thuhet në deklaratë.
Kujtojmë se Sekretari amerikan i Shtetit Antony Blinken, tha të dielën se Uashingtoni ka raporte shumë të besueshme se Rusia ka kryer krime lufte gjatë pushtimit të saj në Ukrainë.
Rruga Press