Sulmet ndaj policisë së Kosovës, Meta: Shpresoj të vihen para drejtësisë këta burracakë

Presidenti i republikës së Shqipërisë, Ilir Meta, ka dënuar sulmet ndaj autoriteteve të policisë së Kosovës në Zubin Potok.

Përmes një postimi në Facebook, shkruan se shpreson që autoritete kosovare të zbardhin sa më parë këto akte burracake.

Postimi i Metës:

Dënoj me ashpërsi sulmin e dhunshëm dhe me armë ndaj autoriteteve policore të Kosovës, në Zubin Potok.

Kam besim të plotë se institucionet ligjzbatuese të Republikës së Kosovës do t’i zbardhin shumë shpejt këto akte burracake dhe do të vënë para drejtësisë autorët.

Bëj thirrje për shmangien e çdo provokimi dhe përshkallëzimi të tensioneve, që minojnë sigurinë e Kosovës, paqen dhe stabilitetin në rajon.

Rruga Press